Біздің республикада импорттық тауарларды қадағалаудың ұлттық жүйесі құрылатын болады. Бұл туралы zakon.kz жаңалықтар ресурсына хабарлайды.
Бұл жүйені құру бүгін Сенат депутаттары ратификациялаған ЕАЭО кедендік аумағына әкелінген тауарларды қадағалау тетігі туралы келісіммен ұсынылады.
Аталған құжаттың басты мақсаты-одақтағы тауарлардың айналымын тиімді бақылауды қамтамасыз ету, салық төлеуден жалтаруға болатын жағдайларды болдырмау, сондай-ақ заңсыз айналымды анықтау және бюджетке кедендік төлемдер мен салықтардың түсуін ұлғайту.
Қазақстандық Қаржы министрлігінің басшысы Ерұлан Жамаубаевтың айтуынша, осы Келісім аясында ЕАЭО-ның әрбір мемлекеті тауарларды қадағалаудың ұлттық жүйесін құрады, сонымен қатар салық төлеушілердің өз ілеспе құжаттарын рәсімдеуін бақылауды қамтамасыз етеді.
Қазақстандық қаржы министрі аталған жүйеде құжаттарды ресімдемей, одаққа қатысушы елдердің аумағы бойынша тауарларды өткізуге тыйым салынатынын атап өтті.
Бұдан басқа, осы Келісім аясында ЕАЭО елдері бір-бірімен қадағалану туралы ақпаратпен алмасатын болады. Олар мұны одақтың интеграцияланған ақпараттық платформасы арқылы жасайды.
Сурет: inform.kz
