“Ауыл” халықтық-демократиялық патриоттық партиясының мүшелері республикамызда сервистік-тұтыну кооперативтерін құруды ұсынады, олардың айтуынша, ол ауылдарды жандандыруға көмектеседі. Бұл туралы “Қазақпарат”ақпарат агенттігі хабарлайды.
Осы саяси бірлестік төрағасының орынбасары Төлеутай Рахымбеков Батыс Қазақстан облысында болып, ауыл тұрғындарымен бірқатар кездесулер өткізді.
Кездесулер кезінде Рахымбеков ауыл тұрғындарының, әсіресе фермерлердің проблемалары аз емес екенін білді. Мысалы, “Покатиловка” ЖШС басшысы Дмитрий Нарушев шығынға бата жұмыс істеуге мәжбүр, өйткені жергілікті кәсіпорындар сүтті көп мөлшерде арзанға сатып алады.
“Ауыл” саяси партиясының өкілдері сервистік-тұтыну кооперативтері қазақстандық ауылдарды жандандыруға және онда тұратын азаматтардың өзекті мәселелерін шешуге мүмкіндік береді деп санайды.
“Ауылда сервистік-тұтыну кооперативтерін құру қажет, олар тұқым дайындаудан бастап, дайын өнімді өткізуге дейінгі ауыл тұрғындарының басты проблемаларын шешуге көмектеседі”, – деді Рахымбеков.
“Ауыл” саяси бірлестігінің жақтаушылары республикамыздағы әрбір ауылдың өркендеуі – барлық әлеуметтік-экономикалық проблемаларды шешудің кепілі екеніне сенімді.
