Бауырлас ел – Ресей Федерациясының астанасында осы жылы Тәуелсіз Мемлекеттер Достастығының Экономикалық Кеңесі жанындағы экономикалық мәселелер бойынша бірінші отырыс болып өтті, оның барысында бірқатар құжаттар қаралды, деп хабарлайды ТМД Атқару комитетінің баспасөз қызметі.
Кездесуге қатысушылардың арасында Қазақстанның экономикалық ынтымақтастық органдарының өкілдері болды. Сонымен қатар, отырысқа Өзбекстанның Ресейдегі елшісі Ботиржон Асадов қатысты.Ол өзбек тарабының 2020 жылы ТМД-ға төрағалық ету тұжырымдамасын егжей-тегжейлі түсіндірді.
Өз кезегінде Достастық Атқару Комитеті басшысының орынбасары Сергей Иванов бұл тұжырымдаманы жоғары бағалап, ТМД-ға қатысушы елдер оны жүзеге асыруда белсенді ынтымақтасатынына сенім білдірді.
Отырыс барысында қатысушылар бірқатар жобаларды қарады, олардың арасында “2020 жылға дейінгі кезеңге ТМД-ға мүше мемлекеттердің инновациялық ынтымақтастығының Мемлекетаралық бағдарламасына қатысушы елдердің инновацияларды коммерцияландыру орталықтары мәртебесін беру туралы” болды.
Сондай-ақ тараптар “ТМД-ға қатысушы елдерде тауарларды электрондық сәйкестендіру құралдарымен таңбалауды қолдану тәжірибесі туралы” жобаға да назар аударды.
Бұдан басқа, отырыста Достастықта сәулет және қала құрылысы жылына арналған іс-шаралар жоспары жобасы мәселелеріне назар аударылды.
Кездесу соңында комиссия мүшелері аталған құжат ТМД Экономикалық кеңесінің қарауына жіберіледі деп шешті. Экономикалық мәселелер жөніндегі комиссияның келесі отырысы биылғы жылдың 19 ақпанында өтеді.
