Қазақстан мен Германия машина жасау саласында бірлескен жобаларды іске асыруы қажет. Бұл туралы Қазақстан стратегиялық зерттеу институтының әлеуметтік-саяси зерттеулер бөлімінің бас сарапшысы Жанар Тулиндинова мәлімдеді.
Біздің республика мен Германия арасындағы өзара қатынасты кеңейтудің перспективалы бағыттары туралы айта келе, қазақстандық сарапшы екі елдің агроөнеркәсіп кешені мен көлік саласында бірлескен жобаларды жүзеге асыру қажеттігін атап өтті.
Оның айтуынша, Президент Тоқаевтың Берлинге ресми сапары аясында Германия басшылығымен және неміс іскер топтарының өкілдерімен бірқатар кездесулер өткізіп, екі мемлекет арасындағы екіжақты ынтымақтастықты одан әрі нығайтуға септігін тигізеді.
Сонымен қатар, Тулиндинова өткен жылы екі ел арасындағы тауар айналымының көлемі 5,1 миллиард еуроны құрағанына назар аударды. Бұдан басқа, бүгінгі таңда Германия Қазақстан экономикасына инвестиция көлемі бойынша 12-ші орында тұр. Біздің мемлекетте неміс бизнесі тартылған мыңға жуық кәсіпорын жұмыс істейді. Бұл Қазақстан-Германия қарым-қатынастарының жақсы деңгейін көрсетеді.
