Білім және ғылым министрлігі “педагог мәртебесі туралы”заң жобасының тұжырымдамасын ұсынды. Тұжырымдамада қосымша төлемдер, еңбек сіңірген жылдары бойынша зейнетақы және мұғалімдер мен оқытушыларға наградалар мен құрметті атақтар беру туралы айтылған.
Тұжырымдамада мұғалімдер қауіпсіз және қолайлы еңбек жағдайында жұмыс істеуі тиіс екені айтылады. Мұғалімдер үшін Білім және ғылым жүйесіндегі зор еңбегі үшін марапаттарды, құрметті атақтарды енгізу ұсынылады. Педагогтардың балаларына, тұрғылықты жері бойынша, мектепке дейінгі балалар ұйымдарынан кезектен тыс орын беру ұсынылды.
Сондай-ақ, министрлікте үздіксіз 30 жылдық оқытушылық жұмыс өтілінен кейін мұғалімнің зейнеткерлікке шығу мүмкіндігі талқылануда.
“Иә, мәселе қарастырылуда, ол оңай емес. Біз Еңбек министрлігімен талқылауымыз керек. Бізде өрт сөндірушілер, шахтерлер, дәрігерлер де осындай психоэмоциялық жүктемені көтеруде”,-деп түсіндірді журналистерге Білім және ғылым вице-министрі Эльмира Суханбердиева.
Сондай-ақ, министрлікте мұғалімдерді материалдық көтермелеудің қосымша шараларын, мысалы, мерекелердің құрметіне, әртүрлі бір жолғы сыйақыларды, жергілікті ерекшелік белгілері мен құрметті атақтарды қарастырылуда. Сонымен бірге ғылыми дәрежесінің болуы үшін сараланған қосымша ақы енгізу жоспарлануда. Сондай-ақ педагогтарды тұрғын үймен қамтамасыз ету және мұғалімдерді оларға тән емес функциялардан босату мәселелері талқылануда.
“Бізде газеттерге, журналдарға ерікті түрде мәжбүрлеп жазылу, стадиондарды жинау, кезекшілік, қажетті болсын, қажетсіз болсын залдарды толтыру сияқты көптеген теріс пайдалану функциялары бар. Біздің міндетіміз – педагогты қорғау”, – деді Эльмира Суханбердиева.
Сулет: yandex.ru
