Атырауда бейнеконференция байланысы арқылы «Қазақстандағы орыс тілі: тәжірибе, мәселелер және перспективалар» атты конференция өтті. Бұл жайында Ресей ынтымақтастығы баспасөз қызметі хабарлады.
Бұл бейнеконференцияны «Былина» орыс этномәдени бірлестігі мен Досмұхамедов атындағы Атырау мемлекеттік университетінің орыс филология кафедрасы ұйымдастырды.
Конференцияға мектеп мұғалімдері, сондай-ақ Атырау, Алматы және Орал жоғары оқу орындарының орыс тілі оқытушылары қатысты.
Бейнеконференцияға қатысушылар алдында сөз сөйлеген «Былина» этномәдени бірлестіктің жетекшісі Андрей Кораблев біздің еліміздегі көнелердің бірі болып табылатын бұл орыс филология кафедрасы 70 жылдық мерейтойын атап өтетінін айтты.
Іс-шара барысында оқу бағдарламалары, материалдар, сондай-ақ орыс тілін қолданудың әлеуметтік аспектілері және интернет кеңістігінің, жарнама мен әлеуметтік желінің ықпалы қарастырылды.
Конференция соңында қатысушылар жастарды орыс тіліне тартуға бағытталған түрлі әдеби конкурстар мен олимпиадаларды өткізудің маңыздылығын атап өтті.
Сурет: rg.ru
