Келесі жылы Қазақстанда Мәжіліс сайлауы өтеді. Оны өткізудің нақты күнін мемлекет басшысы Қасым-Жомарт Тоқаев 24 қазаннан кешіктірмей айтуы тиіс. Алайда, саяси партиялар алдағы сайлау туралы ұмытқан сияқты, өйткені әлі ешқандай бағдарламалар жариялаған жоқ.
Бұл мәселені қарастыра отырып, бүгінгі таңда Қазақстанда алты саяси бірлестік бар екенінен бастайық:
– Nur Otan билеуші партиясы
– “Ақ жол” демократиялық партиясы
– Қазақстан Коммунистік Халық партиясы
– Жалпыұлттық социал-демократиялық партия
– “Ауыл” халықтық-демократиялық патриоттық партиясы
– “Бірлік” саяси партиясы
Қазақстанда коронавирус індетінің басталуымен көптеген проблемалар шиеленісе түсті, бірақ оларға партиялардың жауап бермегені, кейбір депутаттардың Министрлер Кабинетіне сауалдардын есептемегенде, таңдандырады.
Саяси идеялар нарығына қазір шығып, электоратқа өз бағдарламасын ұсынбағанда, қашан ұсынады: республикада іс жүзінде жағдай қалай, сыртқы перспектива қалай қалыптасуда, біздің алдымызда осындай міндеттер тұр және біз оларды осылай шешеміз дегендей. Әлі ештеңе жоқ.
Қазақстан басшылығы да алдағы парламенттік сайлауға назар аудармауға тырысып жатқанын атап өткім келеді. Бұған дәлел ретінде Тоқаев өзінің қыркүйек айындағы Жолдауында Мәжіліс сайлауына қатысты мәселелерді қозғаған жоқ.
Қазақстандық партиялар Мәжілістің сайлау алдындағы науқанына дайын емес, олардың бағдарламалары жоқ және олар электоратпен ешқандай жұмыс істемейді. Бұл қоғамның саяси өмірді жандандыруға деген қажеттілігі бар, бірақ қазіргі партиялар бұл сұранысты қанағаттандыра алмайды. Яғни, тұтастай алғанда, елдің одан әрі дамуының стратегиялық пайымы жоқ.
Саяси шолушы Нұрлан Фадеев, арнайы “Эхо Казахстана” үшін.
Сурет: 24.kz
