Коронавирустық инфекциямен күресу мақсатында қазақстандық қорғаныс өнеркәсібі кәсіпорындары жалпы және медициналық мақсаттағы өнімдерді дайындаумен айналыса бастады, деп хабарлайды Қазақстан қорғаныс ведомствосының баспасөз қызметі.
Көкшетаудағы “Тыныс” зауыты медициналық маска шығарып, 110 мыңын Ақмола Денсаулық сақтау мекемелеріне жеткізіп үлгерді.
Сонымен қатар, Тыныс зауыты кейін жедел жәрдем машиналарына орнатылатын жылжымалы жасанды желдету құрылғыларын шығарумен айналысуда.
Батыс Қазақстан облысының “Гидроприбор” және “Зенит” кәсіпорындары өз кезегінде инженерлік қоршаулар өндірумен айналысады, ал Солтүстік Қазақстан облысының “Петропавл ауыр машина жасау зауыты” АҚ, “Киров атындағы зауыт” АҚ және “Мұнаймаш” АҚ кәсіпорындары автокөлік үшін дезинфекциялық тосқауылдар дайындауда.
Сонымен қатар, түнгі көру құралдарын өндіретін “Қазақстан Аселсан инжиниринг” АҚ Қазақстан-Түрік кәсіпорны адам денесінің температурасын өлшеуге арналған дистанциялық электрооптикалық құрылғылар өндірісін іске қосуға дайындалуда.
Қазақстан Қорғаныс министрлігі жалпы және медициналық мақсаттағы өнімдерді дайындаумен қатар, қорғаныс өнеркәсібінің отандық кәсіпорындары бекітілген кестеге сәйкес мемлекеттік қорғаныс тапсырысын да орындап жатқанын атап өтті.
