Қазақстан Үкіметі басшысы Асқар Мамин бүгін Қазақстан Президенті жанындағы Шетелдік инвесторлар кеңесінің аралық отырысын өткізді. Бұл туралы премьер-министрдің баспасөз қызметі хабарлады.
Бейнеконференция барысында Асқар Мамин осы кеңестің бірлескен жұмыс топтарының айналысып жатқан жұмысымен танысты.
Одан кейін “Шикізаттық емес экспортты дамыту” тақырыбында өтетін шетелдік инвесторлар кеңесінің алдағы отырысына дайындық барысы қаралды.
Премьер өз кезегінде, министрлер еабинеті қабылдаған шаралар мен ұлттық экономикадағы тұрақтылық қазақстандық экономиканың нақты секторының өсімінің серпінін қамтамасыз етуге мүмкіндік бергенін, бұған осы жылдың 5 айында 5,2%-ға және 4,9%-ға өскен тау-кен және өңдеу өнеркәсібінің көлемі дәлел.
Сондай-ақ, Үкімет басшысы Қазақстанда әзірленіп жатқан 2025 жылға дейінгі Қазақстан экономикасының жаңа құрылымын қалыптастыруға бағытталған стратегиялық даму жоспарының маңыздылығын атап өтті.
Сонымен қатар, Мамин осы жоспардың маңызды элементтерінің бірі инвестициялар болып табылатынын мәлімдеп, осыған байланысты министрлер кабинеті ел экономикасының инвестициялық бәсекеге қабілеттілігін арттыруға бағытталған шараларды жалғастыратынын айтты.
Сурет: sputniknews.kz
