Біздің республикамызда «Сыбайлас жемқорлық біз үшін емес!» деген символды атаумен ауқымды акция басталды, деп хабарлайды zakon.kz ақпарат агенттігі.
Акция туралы «Адалдық аланы» республикалық жобалық кеңсесінің басшысы, «Бірінші сыбайлас жемқорлыққа қарсы медиа орталығының» төрағасы Төлеген Байғұлов толығырақ айтты.
Оның айтуынша, осы жоба аясында өңір әкімдері, министрлер мен орталық мемлекеттік органдардың басшылары өз жұмыстарының ашықтығын көрсетіп, олардың табысы қанша екенін айтуы тиіс. Сондай-ақ, олар сыбайлас жемқорлыққа қарсы қабылдап жатқан шаралары туралы айту қажет.
Байғұлов акцияға облыс әкімдерінің орынбасарлары, сондай-ақ еліміздің барлық өңірлеріндегі мемлекеттік органдардың басшылары да қатысуы тиіс екенін атап өтті.
Мемлекеттік қызметкерлер ақпарат бергеннен кейін, олардың сыбайлас жемқорлыққа қарсы қызметі сауалнама жүргізу арқылы бағалау жүргізіледі.
Төлеген Байғұлов айтқандай, ауқымды акция 9 желтоқсанға дейін жалғасады. Оның қорытындысында сыбайлас жемқорлыққа қарсы күрес тұрғысынан ең тиімді басшылар атап өтілетін болады.
«Бұл акциямен біз бірінші басшылардың назарын аударғымыз келеді, олар өз қызметкерлерін заң бұзушылықтан сақтандыра алады. Өйткені, әрбір басшы өз жауапкершілігін түсінуі тиіс», — деп атап өтті Байғұлов.
Сурет: vedomosti.ru
