Мұнай бағасының төмендеуі қазақстандық «ҚазМұнайГаз» компаниясына кері әсерін тигізді, ол шығынға ұшырады. Бұл туралы tengrinews.kz ақпарат агенттігі хабарлайды.
Бұл туралы «ҚазМұнайГаз» басқарма басшысының орынбасары Дәурен Қарабаев толығырақ айтты. Оның айтуынша, қара алтын бағасының ағымдағы төмендеуі 2014 және 2015 жылдарға қарағанда күштірек болды, осыған байланысты «ҚазМұнайГаздың» бірқатар еншілес ұйымдары мен кәсіпорындары осы жылдың бірінші тоқсанында шығынға ұшырады.
«Тұтастай алғанда, 2020 жылы біздің еркін ақша ағыны теріс болады деп күтеміз, және ең алдымен, біздің кәсіпорындардағы қызметті қолдау мақсатында өтімділік қорын ішінара пайдалануға тура келеді», — деді Дәурен Қарабаев.
Қарабаевтың айтуынша, «ҚазМұнайГаз» кәсіпорындары үшін қара алтынның серпінді бағасы мұнай өндіруші еншілес компаниялар үшін 10 доллардан 36 долларға дейін өзгереді. Сонымен бірге қазіргі уақытта шығындарды одан әрі төмендету есебінен осы деңгейді қысқарту бойынша жұмыстар жүргізілуде.
Дәурен Қарабаев тұтастай алғанда, мұнай бағасының құлдырауына байланысты «ҚазМұнайГаздың» таза кірісі бірқатар активтердің құнсыздануын ескере отырып, 309 миллиард теңгеден 100 миллиард теңгеге дейін азайды.
«ҚазМұнайГаз» — Қазақстан Республикасының ұлттық мұнай компаниясы. Оның бас офисі Нұр-Сұлтан қаласында орналасқан
Сурет: azh.kz
