ОПЕК елдерінің келісіміне сәйкес, «ҚазМұнайГаз» ҰК АҚ мұнай өндіруді қысқартуға міндетті. Бұл туралы Ұлттық компанияның Басқарма Төрағасы Алик Айдарбаев мәлімдеді.
«Сондықтан еншілес және сервистік компаниялардың басшылары жыл соңына дейін қалған жұмыс көлемін оңтайлы бөлуге тиіс. Жұмыс графиктерін өзгерту керек болуы мүмкін. Біз осы мәселені жергілікті жерлерде іске асыруды мұқият пысықтауымыз керек. Бірақ тағы да атап өткім келеді, өндірістік персоналдың барлық жұмыс орындары сақталуы тиіс», – деп тапсырды ҚМГ басшысы.
Сондай-ақ, ол ағымдағы жылы компания қаржылық көрсеткіштердің айтарлықтай төмендеуін күтетінін атап өтті.
«ҚазМұнайГаз» ұлттық компаниясы мұнай және газ өндіру жөніндегі тік интеграцияланған отандық компания болып табылады. Ол барлық өндірістік цикл бойынша, өндіруден бастап көмірсутектерді тасымалдауға дейін активтерді басқарады.
Компания 2002 жылы құрылды және мұнай-газ саласында біздің мемлекеттің мүддесін білдіреді.
Сурет: kmg.kz
