«Самұрық-Қазына «ұлттық әл-ауқат қоры» АҚ Басқарма Төрағасы Ахметжан Есімов Татарстан Республикасының Президенті Рустам Миннихановпен кездесті. Кездесу барысында тараптар мұнай-газ химиясы саласындағы ынтымақтастық мәселелері мен перспективаларын талқылады.
Кездесу барысында «Қазмұнайгаз» ҰК мен Ресейлік ірі интеграцияланған мұнай — газ компанияларының бірі — «Татнефть»АҚ арасында өзара түсіністік туралы Меморандумға қол қойылды. Тараптар Қазақстан аумағында мұнай өңдеу, мұнай-химия және газ химиясы объектілерін жаңғырту және салу жөніндегі жобаны іске асыру кезінде тығыз ынтымақтастық орнатуға уағдаласты. Татарстан сондай-ақ Қазақстанға мұнай өндіру бойынша жаңа техника мен технологияларды енгізуге көмек көрсететін болады.
Татарстан президенті шетелдік әріптестермен өзара тиімді ынтымақтастықты дамытудағы сауда өкілдіктерінің рөлі Татарстан үшін өте маңызды екенін атап өтті. Сонымен қатар, Есімов пен Минниханов Татарстан астанасының маңында орналасқан «Иннополис» инновациялық орталығы аясында Қормен мүмкін болатын ынтымақтастықты талқылады. Ынтымақтастық деп бірқатар мәселелерде тәжірибе алмасу түсініледі. Кездесу соңында Есімов Миннихановқа қорды жекешелендіру бағдарламасын ұсынды.
