Қазақстандық FlyArystan лоукостері Нұр-Сұлтан-Мәскеу-Нұр-Сұлтан халықаралық рейсіне билеттер сата бастады. Бұл туралы әуе компаниясының баспасөз қызметі хабарлады.
FlyArystan баспасөз қызметінің ақпараты бойынша, Мәскеу-Тәуелсіз Мемлекеттер Достастығына қатысушы елдер арасындағы іскерлік орталық болып табылатын халықаралық маңызы бар қала. Осыған орай, Нұр-Сұлтаннан Ресей астанасына авиациялық рейстерді жүзеге асыру туралы шешім қабылданды.
«Қазақстанның бас қаласының билеттерінің құны 19 999 теңгеден басталады,бұл қазіргі қолданыстағы бағалармен салыстырғанда 60%-ға төмен. Ресей астанасынан бір жаққа ұшу бағасы әуежайдың алымдарын қоса алғанда, 3333 рубльден басталады. Билеттерді flyarystan.com. сайтында сатып алуға болады. Нұрсұлтан Назарбаев халықаралық әуежайынан Жуковский халықаралық әуежайына күн сайын рейстер жүзеге асырылатын болады.Ұшу ұзақтығы 3 сағаттан асады», — деп хабарлады авиакомпаниядан.
Бұл туралы «РАМПОРТ АЭРО» бас директоры Томас Вайшвила пікірін білдірді.Оның айтуынша, қазақстандық лоукостер жоғарыда аталған рейстерді іске қосқаны дұрыс болды.Ол мұндай әуе рейстері Қазақстан мен Ресей азаматтарын өте қызықтыратынын атап өтті.
