«Қазақмыс» тау-кен және металлургия корпорациясы төрағасының орынбасары Әділет Барменқұлов жаңа Экологиялық кодекстің жекелеген талаптарына байланысты компания мыс балқыту зауыттарын жаба алатынын мәлімдеді. Бұл туралы kursiv.kz ақпарат агенттігі хабарлады.
Қазіргі уақытта бұл кодекс мәжілісмендердің қарауында. Оның белгілі бір нормалары табиғат пайдаланушыларды өндірістің қоршаған ортаға теріс әсерін төмендетуге мүмкіндік беретін ең жақсы технологияларды енгізуге міндеттейді.
Егер табиғат пайдаланушының жаңа технологияларды енгізуге мүмкіндігі болмаса, онда жаңа кодексте теріс әсерді өтеу үшін төлем мөлшерлемесін бірнеше есе арттыру ұсынылатын.
Барменкуловтың айтуынша, Балқаш пен Жезқазғандағы «Қазақмыс» мыс балқыту зауыттарының жабдықтары тозған, осыған байланысты бір тонна мыс концентратын катодты мысқа өңдеу корпорацияға, Қытайдан келген бәсекелестерге қарағанда, 30%-ға қымбат түседі.
Жаңа талаптарға байланысты «Қазақмысқа» катодты мыс өндіру мүлде тиімді болмайды. Сондықтан шығынға түспеу үшін, корпорацияның зауыттарды жауып, мыс концентратын тікелей сатудан басқа амалы қалмайды.
Барменқұлов корпорация мыс саласын сақтауға мүдделі екенін, бірақ ол мемлекеттің қолдауынсыз мүмкін еместігін атап өтті.
Ол «Қазақмыста» туындаған проблеманы шешудің жалғыз жолы — Қытайға мыс концентратын сатуды төмендету және жабдықты жаңғырту бойынша жобаларды іске асыруда корпорацияға қаржылық қолдау көрсету екенін атап өтті.
Сурет: kursiv.kz
