Бүгін Қазақстан министрлер кабинеті басшысының орынбасары Ералы Тоғжанов Қазақстанда індеттің таралуына жол бермеу мәселелеріне жауап беретін ведомствоаралық комиссияның отырысын өткізді, деп хабарлайды “Қазақпарат” агенттігі.
Отырыс барысында комиссия мүшелері коронавирусқа байланысты енгізілген Қазақстандағы бірқатар карантиндік шараларды жеңілдетті.
1 маусымнан бастап біздің республикамызда өңіраралық бақылау-өткізу пунктері алынып, ел ішінде теміржол және автобус тасымалы, сондай-ақ фитнес-орталықтар мен барлық спорт нысандары жұмыс істей бастайды.
Сонымен қатар, 1 маусымнан бастап Қазақстанда мектепке дейінгі балалар мекемелерінің, ғылыми-зерттеу институттары мен ғылыми орталықтардың жұмысы қайта басталады.
Комиссияның шешімі бойынша 15 маусымнан бастап Қазақстан Республикасында белгіленген ережелерді сақтай отырып, кинотеатрларға жұмыс істеуге рұқсат етіледі, сондай-ақ халықаралық бағыттар бойынша авиарейстер кезең-кезеңмен жұмысын қайта бастайды.
Қазақстанда шектеу шараларының жеңілдетілуіне байланысты комиссия мүшелері еліміздің азаматтарының назарын бетперде режимін және әлеуметтік қашықтықты сақтау қажеттігіне аударды, өйткені індет әлі жойылған жоқ.
Сурет: inform.kz
