Желіде Қарағанды облысының мамандандырылған ауданаралық экономикалық сотының судьясы пара алу үстінде ұсталғаны туралы ақпарат пайда болды.
Бұл ақпаратты Қарағанды облыстық сотының баспасөз қызметі растады. Сондай-ақ, олар Фемиданың жемқор министрін Жоғарғы соттың сыбайлас жемқорлыққа қарсы қызметі мен ішкі қауіпсіздік орталық аппаратының қызметкерлері ұстағанын айтты.
Ұсталған адамның аты-жөнін және ол алған параның мөлшері турплы сотта мәлімет берген жоқ, оның себебі тергеу құпиясына байланысты.
Сонымен қатар, бірқатар отандық БАҚ Қарағанды судьясы алған параның сомасы 30 мың еуро деп жазады.
Бұған дейін Атырауда пайда табу мақсатында лауазымдық өкілеттігін асыра пайдаланғаны үшін кінәлі деп танылған полиция капитанына үкім шығарылғаны хабарланған болатын. Атап айтқанда, ол шетелдіктердің төлқұжаттарын заңсыз алып, кейін олар үшін төлем талап еткен. Сот шешімімен ол бес жылға бас бостандығынан айырылды.
