ҚР Ұлттық Банкі 2006 жылғы үлгідегі номиналы 2000, 5000 және 10000 теңгелік банкноттарды алудың төрт жылдық кезеңінің аяқталғаны туралы хабарлайды, деп «ҚазАқпарат»ХАА хабарлайды.
Бұл банкноттар 2006 жылғы 15 қарашада айналымға шығарылды және 2016 жылғы 4 қазаннан бастап заңды төлем құралы болып табылмады.
Бұл ретте екінші деңгейдегі банктер, Ұлттық почта операторы және Ұлттық Банктің филиалдары жоғарыда көрсетілген банкноттарды Ұлттық валютаның қолданыстағы ақша белгілеріне қабылдап, айырбастады. Айырбастау кезеңі төрт жылға созылды.
«2006 жылғы үлгідегі номиналы 2000, 5000 және 10000 теңгелік банкноттарды алу мерзімінің аяқталуына байланысты Қазақстан Республикасының бүкіл аумағында, оның ішінде екінші деңгейдегі банктер, Ұлттық почта операторы және Ұлттық Банктің филиалдары қабылдауға және айырбастауға жатпайды», — делінген Ұлттық банктің хабарламасында.
Сурет: inform.kz
