Қазақстанның Қырғызстандағы Төтенше және Өкілетті Елшісі Қайрат Нұрпейісов Қырғызстан Республикасының ауыл шаруашылығы, тамақ өнеркәсібі және мелиорация министрлігінің басшысы Эркинбек Чодуевпен кездесті.
Кездесу барысында оның қатысушылары Қазақстан мен Қырғызстанның ауыл шаруашылығы саласындағы ынтымақтастығына қатысты бірқатар мәселелерді талқылады. Сонымен қатар, тараптар Еуразиялық экономикалық одақ аясындағы өзара іс-қимыл мәселелерін талқылады.
Сондай-ақ, келіссөздер шеңберінде жол картасын іске асыру бойынша, оның ішінде Қырғыз Республикасынан шекаралас сауда орталықтарын құру және ауыл шаруашылығы өнімдерін импорттау жөнінде пікір алмасылды.
Екі мемлекет арасындағы бауырластық қарым-қатынастарды дамыту туралы айта келе, қазақстандық елші шекаралық облыстар мен бейінді министрліктер арасындағы ынтымақтастықты кеңейту қажеттігін атап өтті.
Кездесу соңында Қырғызстан министрі қазақстандық елшіге оның қызметінде одан әрі табыс тіледі және екі мемлекет арасындағы екіжақты ынтымақтастықты одан әрі кеңейтуге үміт білдірді.
Сурет: lentasng.info
