Ұжымдық қауіпсіздік туралы Шарт Ұйымы Біріккен штабының бастығы Анатолий Сидоров Қазақстан Республикасының Ресей Федерациясындағы елшілігіне жұмыс сапарымен барды. Бұл туралы Қазақстан елшілігінің баспасөз қызметі хабарлайды.
Елшілікте Анатолий Сидоровтың Ресейдегі Қазақстан Республикасының Төтенше және Өкілетті Елшісі Ермек Көшербаевпен кездесуі өтті.
Сонымен қатар, кездесуге еліміздің дипломаттары, сондай-ақ ҰҚШҰ штабы бастығының орынбасары Мұхамеджан Таласов пен Ұйым жанындағы Қазақстан өкілі Жәнібек Иманалиев қатысты.
Кездесу барысында қатысушылар біздің республикамыз бен Ұжымдық қауіпсіздік туралы Шарт Ұйымы арасындағы өзара іс-қимыл мәселелеріне назарын аударды.
Сонымен қатар, Ұлы Отан соғысы Жеңісінің 75 жылдық мерейтойын мерекелеуге дайындық мәселелеріне назар аударылды.
ҰҚШҰ штабының бастығы өзінің жұмыс сапары аясында біздің еліміздің Ресейдегі елшілігі жанындағы Қазақстан-Ресей қарым-қатынастары мұражайында болып, осы мұражайдың экспонаттары мен безендірілуіне жоғары баға берді.
Сурет: kazembassy.ru
