Қазақстанның электрондық еңбек биржасы жұмыс іздеу бойынша мемлекеттік жұмыспен қамту орталықтарынан, жеке агенттіктер мен онлайн-алаңдардан бос жұмыс орындары және түйіндемелер бір жерге жинақталған алғашқы отандық цифрлық алаң болды. Бұл туралы еңбек және халықты әлеуметтік қорғау министрлігінің баспасөз қызметі хабарлады.
Министрлікте хабарлағандай, қазақстандық электрондық биржа арқылы 545 мың адам тұрақты жұмысқа орналасты.
“Жұмыс берушілер бос жұмыс орындарын жариялай алады, ал жұмыс іздеушілер түйіндемелерін қойып, бір-біріне көмектесе алады. Порталда барлық халықты жұмыспен қамту орталықтары тіркелген. Азамат жұмыспен қамту орталығында жұмыссыз ретінде тіркелгенде, оның түйіндемесі автоматты түрде enbek.kz-ке түседі”, – деді Еңбек және халықты әлеуметтік қорғау вице-министрі Нариман Мұқышев.
Ол электрондық еңбек биржасына кейбір жаңалықтарды, атап айтқанда, электрондық еңбек шарттарын жасау функцияларын және әлеуметтік-еңбек саласының виртуалды кеңес берушілерді енгізу жоспарланғанын атап өтті.
Сурет: bnews.kz
