Ржев қаласында қаланы неміс-фашистік басқыншылардан босатудың 77 жылдығына орай салтанатты іс-шара өтті. Бұл туралы Ресей Федерациясындағы Қазақстан елшілігінің баспасөз қызметі хабарлады.
Іс-шараға Ресейдегі Қазақстан елшісі Ермек Көшербаев бастаған еліміздің делегациясы қатысты.
Еске алу рәсімі кезінде Көшербаев 100-ші және 101-ші жеке атқыштар бригадалары қазақстандық жауынгерлер мемориалына гүл шоқтарын қойды.
Қазақстан елшілігінде бұл мемориал 2010 жылы ашылып, 2018 жылы қайта қалпына келтірілгені атап өтілді.
Қазақстан Республикасы елшілігінің қызметкерлері неміс басқыншыларына Сталинград түбінде қоршалған Паулюстің топтамасына көмек көрсетуге әскери бөлімдерді көшіруге мүмкіндік бермеген қазақстандықтарды еске алды.
Сондай-ақ, шара аясында елші Ермек Көшербаев Трубино ауылындағы кеңес солдаттарының бауырлас зиратына гүл шоқтарын қойып, Хорошево ауылының жанындағы кеңес солдаты мемориалының құрылыс барысымен танысты.
Сурет: kazembassy.ru
