Тәуелсіз Мемлекеттер Достастығының Атқару комитетінде бүгін видеоконференцбайланыс арқылы Орталық Азия елдері мен Ресей Федерациясының сыртқы саяси ведомстволары басшылары орынбасарларының отырысы өтті.
Атқарушы комитет хабарлағандай, Қазақстан тарапынан бейнеконференцияға Сыртқы істер министрлігі басшысының орынбасары Марат Сыздықов қатысты.
Әріптестерінің алдында сөз сөйлеген Өзбекстан Сыртқы істер вице-министрі Илхом Неъматов оның елінде Ұлы Отан соғысы Жеңісінің 75 жылдығына арналған өткізіліп жатқан іс-шаралар және бағдарламалар туралы айтты.
Сондай-ақ, мәжілісте дипломаттар COVID-19 пандемиясымен күрес мәселелерін қарастырды. Бұл тұрғыда ТМД елдері арасында оның салдарын жою бойынша тығыз өзара іс-әрекеттің маңыздылығы атап өтілді.
Бейнеконференция аясында қатысушылар Ауғанстандағы жағдай туралы пікір алмасты, сондай-ақ халықаралық ұйымдардың алаңдарындағы аймақтық ынтымақтастық пен өзара іс-қимыл мәселелері талқыланды.
Сонымен қатар, дипломаттар Орталық Азия мен Ресей елдерінің алдағы министрлік кездесуінің күн тәртібі де қарастырды.
Сурет: football.ua
