Солтүстік Әмірліктегі Қазақстан Республикасының Бас консулы Рауан Жұмабек Дубай сотының бас директоры Тариш Аль-Мансуримен кездесу өткізді. Бұл туралы ҚР Сыртқы істер министрлігінің баспасөз қызметі хабарлады.
Кездесу барысында қатысушылар бүгінгі таңда Қазақстан мен БАӘ арасындағы ынтымақтастық көрсеткіші жоғары деңгейде екенін атап өтті.
Қазақстандық дипломат Дубай сотының бас директорына Қазақстан-Әмірлік үкіметаралық комиссияның 7-ші отырысына қатысқан ҚР сыртқы саяси ведомствосының басшысы Бейбіт Атамқұловтың ресми сапарының қорытындысы туралы айтты.
Өз кезегінде, Тариш Аль-Мансури ҚР Сыртқы істер министрінің БАӘ-ге сапары кезінде қол жеткізілген уағдаластықтар Қазақстан мен БАӘ-нің алдағы қарым-қатынасына жаңа серпін беретінін айтты.
Кездесу соңында әмірлік судьясының осы жылдың 15-19 қыркүйегінде Қазақстан астанасында өтетін жыл сайынғы халықаралық судьялар қауымдастығының 62-ші отырысына қатысатыны атап өтілді.
