Қазақстандық студенттер “БРИКС және ШЫҰ елдерінің Студенттік көктемі” атты 3 халықаралық фестиваліне белсенді қатысады, деп хабарлайды “ТАСС” ақпараттық агенттігі.
Халықаралық фестиваль 4-9 маусым аралығында Ставропольде өтеді. Фестивальға әлемнің 23 елінен, оның ішінде Қазақстаннан, 2,5 мыңға жуық студент қатысады.
“Студенттік көктемге” Ресей, Бразилия, ОАР, Қытай, Үндістан, Әзірбайжан, Қазақстан, Қырғызстан, Тәжікстан, Өзбекстан, Ауғанстан, Армения, Иран, Пәкістан, Моңғолия, Белоруссия, Грузия және басқа елдердің өкілдері келеді. Бұл фестивальге шетелдік жастар көп келеді”, – деді “Ресейлік жастар одағы” жалпыресейлік қоғамдық ұйымының төрағасы Павел Красноруцкий.
Фестивальда ресейлік және шетелдік орындаушылардың концерттері өтеді, сондай-ақ БРИКС, ШЫҰ елдерінің жас көшбасшыларының форумы және жас журналистер форумы өтеді.
Сурет: Vestikavkaza.ru
