Қазақстан делегациясы Ұлы ойшыл Әбу Наср әл-Фарабидің туғанына 1150 жыл толуына орай Сириядағы Дамаск қаласында болып, қала мэрі Адел әл-Альбинмен кездесу өткізді.
Қазақстан делегациясының құрамына әл-Фараби атындағы Қазақ Ұлттық университетінің ректоры Ғалым Мұтанов, ҚР Парламенті Сенатының депутаты Әлімжан Құртаев, ҚазҰУ шығыстану факультетінің деканы Ыктияр Палтөре және т.б. кірді.
Қазақстан делегаттары сапардың басты мақсаты Әл-Фараби кесенесімен және мәдени-тарихи орталықпен танысу, сондай-ақ келесі жылы Ұлы ойшыл Әбу Насыр Әл-Фарабидің 1150 жылдығын мерекелеуге дайындық және оны өткізу мәселелерін қарастыру болып табылатынын айтты.
Олар Қазақстан Сирияның жоғары оқу орындарымен ғылым,білім беру және мәдени байланыстарын жандандыруға қызығушылық танытатынын мәлімдеді.
Дамаск қаласының мэрімен кездесуде әл-Фараби кесенесі мен мәдени-тарихи орталығының одан арғы қызметі мәселелері талқыланды. Өз кезегінде ҚазҰУ ректоры Сирия астанасының басшылығына ғимаратты ауыр әскери жағдайда сақтағаны үшін алғысын білдірді.
Дамаск қаласының мэрімен кездесуде Әл-Фараби кесенесі мен мәдени-тарихи орталығының алдағы қызметі мәселелері талқыланды. Өз кезегінде ҚазҰУ ректоры Сирия астанасының басшылығына ауыр әскери жағдайда ғимаратты сақтағаны үшін алғысын білдірді.
Дамаска мэрі ректорды тыңдап, ғылым мен білім саласындағы ынтымақтастықты дамытуға кез келген қолдау көрсетуге дайын екенін мәлімдеді.
Сурет: inform.kz
