Қазақстан Республикасында Өзбекстан Республикасымен, Ресей Федерациясымен мемлекеттік шекараны демаркациялау, сондай-ақ Қытай Халық Республикасымен Мемлекеттік шекара сызығын тексеру жөніндегі бірлескен комиссияларда қазақстандық правделегация құрамын қалыптастыру туралы үкіметтік қаулы жарияланды. Бұл туралы inbusiness.kz жаңалықтар ресурсы хабарлады.
Қаулыға сәйкес демаркациялау жөніндегі қызмет аяқталғаннан кейін Қазақстан-Өзбекстан және Қазақстан-Ресей мемлекеттік шекарасын демаркациялау туралы халықаралық келісімдердің жобалары дайындалатын болады. Жобаларға шекара сызығының өтуін сипаттау, шекара картасы, шекара белгілерінің хаттамалары, шекара белгілерінің координаттары мен биіктіктерінің каталогы, шекара белгілері бағаналарының өзара орналасу схемалары, сондай-ақ аралдардың тиесілік кестелері кіреді.
Бұдан басқа, делегацияға белгілеуді бірлесіп тексеруді жүзеге асыру, сондай-ақ қажет болған жағдайда Қытаймен шекара сызығын қайта таңбалауды жүргізу тапсырылды.
Шекара сызығын белгілеуді және қайта таңбалауды бірлесіп тексеру жөніндегі қызмет аяқталғаннан кейін делегация мүшелері мемлекеттік шекара сызығын бірлесіп тексеру хаттамасын, шекара картасын, шекара белгілерінің хаттамаларын, атап айтқанда шекара белгілерінің орналасу схемаларын және т. б. дайындайды.
Біздің делегация құрамына Қазақстан Сыртқы істер министрлігінің Ерекше тапсырмалар жөніндегі елшісі Зульфия Аманжолова, сыртқы саясат ведомствосының халықаралық-құқықтық департаментінің басшысы, «Алматыгеодезия» бөлімшесінің басшысы, «Қазақстан СІМ жанындағы сыртқы саяси зерттеулер институты» АҚ-ның ғылыми-қолданбалы сипаттағы қызметтер көрсету жөніндегі штаттан тыс сарапшысы және басқалар кіреді.
Қазақстан-Ресей құрлықтық мемлекеттік шекарасының ұзындығы 7500 шақырымнан асады, Қытай Халық Республикасымен – 1700, Өзбекстан Республикасымен – 2300 километр.
Сурет: inbusiness.kz
