Германия астанасында «Жасыл апта» ірі азық-түлік көрмесі өтіп жатыр, оған ауыл шаруашылығы министрінің орынбасары Айдарбек Сапаров бастаған Қазақстан ауыл шаруашылығы министрлігінің делегациясы қатысуда.
Халықаралық көрмеде 72 шет мемлекеттің үздік өнімі ұсынылған. Оның аясында қазақстандық делегация мүшелері жаңа комбайндармен ғана емес, азық-түлік саласындағы әлемдік көшбасшылардың өнімдерімен таныса алады.
Іс-шара аясында Қазақстан делегациясының мүшелері Эстония және Монғолия ауыл шаруашылығы министрліктерінің басшыларымен, сондай-ақ Германияның Федералдық жерлері өкілдерімен кездесіп үлгерді. Осы кездесулерде қазақстандық өнімдерді экспорттауға байланысты мәселелер талқыланды.
Айдарбек Сапаровтың айтуынша, отандық өнімдерді жарнамалау үшін, біздің республика жыл сайын осы азық-түлік көрмесіне қатысуға тиіс. Ол келесі жылы шараға қазақстандық павильон ұсынатынын атап өтті.
