Денсаулық сақтау министрлігі мен Қазақстан салалық денсаулық сақтау қызметкерлері кәсіподағы келісімге қол қойылды, оған сәйкес дәрігерлердің жалақы мөлшері көтеріледі, деп хабарлайды Қазақстан Республикасы Денсаулық сақтау министрлігінің баспасөз қызметі.
Құжатқа қол қою кезінде қазақстандық дәрігерлердің жалақысын екі есеге арттыру қарастырылғаны атап өтілді.
Қазақстанның Денсаулық сақтау министрі Елжан Біртанов келісімнің басты мақсаты қандай екенін айтты. Оның айтуынша, жалақыны көбейту механизмі министрлік пен кәсіподақтың серіктестігінде, сондықтан тиісті құжатқа қол қою туралы шешім қабылданды.
Жалақы мөлшерін арттыру медициналық сақтандыру қоры мен мемлекеттік бюджет аясында бөлінген қосымша қаражат есебінен жүзеге асырылатын болады, деп мәлімдеді Қазақстанның Денсаулық сақтау министрі.
«Жалақыны көтеру есебі ақысыз медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесі қаржыландыратын денсаулық сақтау ұйымдары қызметкерлерінің біліктілік санатына байланысты коэффициенттер белгілеу жолымен жүргізіледі», — деп атап өтті министр.
Сурет: zakon.kz
