Қазақстан елордасына Азия даму банкінің қолдауымен мемлекеттік-жекеменшік әріптестіктің бірінші инвестициялық форумы өтуде. Бұл туралы «Қазақстандық мемлекеттік-жеке меншік әріптестік орталығы»АҚ баспасөз қызметі хабарлады.
Инвестициялық форум барысында Қазақстан, Қырғызстан, Өзбекстан және Грузия мемлекеттік-жеке меншік әріптестік орталықтары басшылары арасында өзара іс-қимыл туралы меморандумға қол қойылды.
Қол қойылған меморандумға сәйкес, қазақстандық бизнесмендер Қырғызстан, Өзбекстан және Грузияның әлеуметтік және мемлекеттік жобаларына қатыса алады.
«Қазақстандық мемлекеттік-жеке меншік әріптестік орталығы» АҚ басқарма төрағасы Талғат Матаев форумда сөйлеген сөзінде біздің әлемде әрбір мемлекет өз бизнесі үшін жағдай жасауға тырысатынын атап өтті.
«Біздің елдеріміз тәжірибемен бөлісетін,бірақ белсенді емес. Енді біз қазақстандық кәсіпкердің Қырғызстанда, Өзбекстанда және Грузияда табысты жұмыс істеуіне мүдделіміз.Ал ол үшін осы республикаларда адал заңнама болуы тиіс. Біздің міндетіміз — өңірдегі МЖӘ-нің алғашқы қатысушылары ретінде табысты тәжірибелерді таратуға көмектесу. Бұл меморандумның мультипликативті пайдасы бар: бизнесмендерге – жаңа нарықтар, ел үкіметіне – мемлекеттік-жеке меншік әріптестіктің пысықталған құралдары», – деп атап өтті Матаев.
