Еліміздің бас санитарлық дәрігері Жандарбек Бекшин отандық кәсіпкерлерді дезинфекция режимін күшейтуге шақырды. Бұл туралы орталық коммуникациялар қызметі хабарлады.
Журналистермен кездесу барысында Жандарбек Бекшин кәсіпорын басшыларын елдегі эпидемиологиялық жағдайдың қиын болуына байланысты дезинфекция режимді күшейтуі тиіс екенін атап өтті. Оның айтуынша, міндетті түрде қолды жуу құралдарымен жууға жағдай жасау керек.
Қазақстанның бас санитарлық дәрігері дезинфекциялық режимнің сақталуын тұрақты негізде, әсіресе адамдар көп жиналатын жерлерде бақылау қажеттігін атап өтті.
Бұған дейін Бекшин енді біздің елімізде коронавирус тіркелген елдерден келетін және бірінші санатқа жататын азаматтар үшін жаңа ережелер қолданылатынын айтқан болатын.
Сандәрігердің айтуынша, егер Қазақстанға келгеннен кейін бұл азаматтарда ЖРВИ белгілері анықталмаған болса, онда олар үй карантиніне жіберіледі де, екі апта бойы дәрігер бақылауында болады.
Қазақстандық тауарлар мен көрсетілетін қызметтердің сапасын және қауіпсіздігін бақылау комитеті бірінші санатқа Оңтүстік Корея, Жапония, Италия және Иран сияқты елдерді жатқызды.
Сурет: Inform.kz
