Қазақстанның сыбайлас жемқорлыққа қарсы қызметі видеоконференцбайланыс режимінде Білім және ғылым министрлігі мен Қазақстан Ғылым қоры өкілдерінің қатысуымен кеңес өткізді, деп хабарлайды zakon.kz жаналн арнасы.
Бейнеконференцияда сыбайлас жемқорлыққа қарсы ведомстваның өкілдері Қазақстанның білім беру саласындағы сыбайлас жемқорлық әлі де өршіп тұрғанын айтты.
Ағымдағы жылдың бірінші тоқсанында 106 сыбайлас жемқорлық қылмысы тіркелді, соның нәтижесінде 38 адам жауапкершілікке тартылды, сотқа 92 қылмыстық іс жіберілді, 17 адам сотталды.
Статистикаға сәйкес, әрбір алтыншы сыбайлас жемқорлық қылмысы білім беру саласында жасалады, бұл осы саладағы сыбайлас жемқорлықтың жоғары деңгейін көрсетеді.
Сыбайлас жемқорлыққа қарсы күрескерлер жергілікті органдар мен білім беру ұйымдарында сыбайлас жемқорлық қаупі жоғары деңгейде қалып отырғанын атап өтті. Тек өткен жылы осы деңгейдегі 54 адам сыбайлас жемқорлық қылмыстары үшін сотталды.
Жоғары сыбайлас жемқорлық қаупі Ғылым қоры қызметінде де байқалады, осыған байланысты сыбайлас жемқорлыққа қарсы іс-қимыл агенттігі таяу уақытта оның жұмысына ауқымды талдау жасайды.
Сурет: zakon.kz
