Қазақстанның қорғаныс ведомствосы 12-16 қазан аралығында Беларусь Республикасының аумағында әскери оқу-жаттығулар өтетінін хабарлады, біздің ел өкілдері оған бақылаушылар ретінде қатысады.
Сөз «Мызғымас бауырластық» атты оқу іс-шаралары туралы болып отыр. Бұл оқу-жаттығуларды Ұжымдық қауіпсіздік туралы шарт ұйымының ұжымдық бітімгершілік күштері өткізеді.
Осы оқу-жаттығуларды Беларусь аумағында өткізу ҰҚШҰ ұжымдық қауіпсіздік жүйесінің күштері мен құралдарын басқару органдары мен құралымдарын бірлесіп даярлау іс-шараларының тізбесінде көзделген.
Біздің мемлекетіміздің Қорғаныс министрлігі жанындағы ақпарат және коммуникациялар департаментінің өкілі Ғани Нүсіповтың айтуынша, Беларуссияда «Мызғымас бауырластықтың» өткізілуі осы елдегі қазіргі жағдайға байланысты емес.
Бұған дейін Қорғаныс министрлігінде Жамбыл облысындағы «Мәтібұлақ» полигонының аумағында «Алдаспан-2020» атты әскери оқу-жаттығу басталғаны туралы хабарланған болатын.
Қорғаныс ведомствосының ресми деректеріне сәйкес, бұл оқу-жаттығулардың басты мақсаты — заңсыз қарулы құралымдарға қарсы күрес мәселелерін пысықтау болып табылады.
Сурет: rg.ru
