Қазақстан Ақпарат министрі Аида Балаева мемлекет отандық БАҚ-тарға карантиннен кейінгі кезеңде қолдау көрсететінін мәлімдеді. Бұл туралы “Қазақпарат” ақпарат агенттігі хабарлады.
Қазақстанның ақпарт министрі бұл мәлімдемені бүгін ақпарат саласы мәселелері бойынша өткен дөңгелек үстел барысында жасады.
Балаеваның айтуынша, ақпарат министрлігі қазір қазақстандық БАҚ-тарға қолдау көрсетуге бағытталған шаралар әзірлеуде. Атап айтқанда, оларға салық және басқа да міндетті аударымдар бойынша уақытша жеңілдіктер беру туралы мәселе пысықталуда.
Сонымен қатар, отандық телеарналар мен радиоарналар үшін аналогтық және эфирлік хабарлар қызметтерін төлеуге қолдау көзделеді.
Аида Балаева мұндай қолдау шарасы қазақстандық коммерциялық арналардың қарыздарын төмендетуге, сондай-ақ біздің республикадағы ақпараттық қауіпсіздікті қамтамасыз етуге мүмкіндік беретінін атап өтті.
Бұған дейін қазақстандық БАҚ өкілдері басқа салалар сияқты төтенше жағдай режимінен зардап шеккендіктен мемлекет тасшысы Қасым-Жомарт Тоқаевқа қолдау көрсету туралы хат жолдадағаны хабарланған.
Сурет: tcetera.media
