“Атамекен” Ұлттық Кәсіпкерлер палатасының өкілдері біздің республикамызда БАҚ-ты салық төлеуден босата алатынын хабарлады. Бұл туралы zakon.kz ақпарат агенттігі жазады.
“Атамекен” палатасы қазіргі уақытта бұл мәселе талқыланып жатқанын айтты. Салық төлеуден босатылатын салалардың тізбесін одан әрі өңдеу үшін Ұлттық экономика министрлігіне жібереді.
Ағымдағы жылдың 20 сәуірінде Қазақстан министрлер кабинеті салық төлеуден босатылатын салалардың тізбесін бекітті, алайда БАҚ оған енгізілген жоқ.
Осыған байланысты қазақстандық БАҚ өкілдері Президент Қасым-Жомарт Тоқаевқа және Үкіметке хат жолдады, онда мемлекеттен қолдау көрсетуді сұрады, өйткені олар да төтенше жағдай режимінен зардап шегіп отыр.
Мәселен, отандық телеарналар мен радиостанциялар басшылығы БАҚ-ты ағымдағы жылдың 1 қазанына дейінгі мерзімге еңбекақы қорынан салық және міндетті төлемдерді төлеуден босатылатын салалар тізбесіне енгізуді ұсынады.
Сурет: Total.kz
