Еліміздің Каспий теңізі мәселелері жөніндегі арнайы өкілі Зульфия Аманжолова Иранның Каспий теңізі бойынша өкілетті өкілі назар Ахаримен екіжақты кеңес өткізді. Бұл туралы ҚР сыртқы істер министрлігінің баспасөз қызметі хабарлады.
Кеңес барысында Каспий маңы мемлекеттері басшыларының тапсырмаларын орындау және бесінші Каспий саммитінің қорытындысы бойынша қол жеткізілген уағдаластықтар мәселелері қаралды. Сонымен қатар, тараптар Каспий теңізіндегі ынтымақтастық мәселелерін талқылады.
Сондай-ақ, Зульфия Аманжолова Әзірбайжанның Сыртқы істер министрінің орынбасары, Каспий теңізі мәселелері жөніндегі өкілетті өкіл Халаф Халафовпен кездесу өткізді.
ҚР сыртқы саяси ведомствосының ақпараты бойынша, кездесуде жоғарыда аталған саммиттің қорытындылары талқыланды. Сонымен қатар, дипломаттар Каспий теңізіндегі өзара іс-қимылдың түрлі салаларын реттейтін бес жақты келісімдердің жобалары бойынша пікір алмасты.
Сурет: mfa.gov.kz
