Біздің республикамызда Қытай коронавирусының экспресс-диагностикасының арнайы жүйесі әзірленді, оның арқасында қысқа мерзімде адам жұқтырғанын немесе жұқтырмағанын анықтауға болады, деп жазады “Хабар24” ақпараттық агенттігі.
Мұндай жүйені Ұлттық биотехнология орталығының мамандары әзірледі. Коронавирус сынағы полимеразды тізбекті реакция әдісімен жүзеге асырылады, бұл көптеген жұқпалы ауруларды диагностикалау үшін өте дәл әдіс.
Ұлттық биотехнологиялар орталығының бас директоры Ерлан Раманқұлов Орталық қызметкерлері бір жарым апта ішінде жүйені әзірлегенін атап өтті, бұл Қазақстан Республикасы ғылымының жақсы дамуын көрсетеді.
Қазір Орталық қызметкерлері қытайлық инфекцияға күдікті пациенттерге тестті қолданып зерттеу жүргізіп жатыр. Ғалымдар нәтижелер жақын арада дайын болатынын мәлімдеді.
Қазіргі уақытта біздің еліміздің билігі елде вирустың таралуына жол бермеуде батыл шаралар қабылдауда, соның ішінде Қытайға жолаушылар тасымалын тоқтатып, инфекциядан қорғануды қамтамасыз ететін әр түрлі қосымша заттарды сатып алуда.
Сурет: 24.kz
