Қазақстанның Air Astana ұлттық әуетасымалдаушысы 29 наурыздан бастап барлық халықаралық авиарейстерді жүзеге асыруды тоқтатады, деп хабарлайды informburo.kz ақпарат арнасы.
Air Astana компаниясының өкілдері барлық рейстерді тоқтату туралы шешім Қазақстандағы төтенше жағдай режиміне байланысты қабылданғанын айтты.
Әуе компаниясында кешегі күннен бастап барлық ішкі әуе рейстері тоқтатылғанын, ал 29 наурыздан бастап барлық халықаралық рейстер тоқтатылатынын нақтылады.
Сондай-ақ, Air Astana компаниясы 1-23 наурыз аралығында шетелден 37 мыңнан астам отандасымызды жеткізгенін еске салды.
Қазақстанда коронавирустың қиын жағдайына байланысты төтенше жағдай режимі енгізілді. Ол ағымдағы жылдың 15 сәуіріне дейін жалғасады деп жоспарлануда, алайда Президент Қасым-Жомарт Тоқаев айтқандай, қажет болған жағдайда оны ұзартуы мүмкін.
Сонымен қатар, Нұр-Сұлтан мен Алматыда коронавирус инфекциясының таралуына байланысты 19 наурыздан бастап карантин режимі енгізілді, ол қаншаға дейін созылатыны, әзірше, белгісіз.
Сурет: 24.kz
