Тәуелсіз Мемлекеттер Достастығы елдерінің жетекші аграрлық жоғары оқу орындары ректорлар кеңесі мүшелерінің отырысы бейнеконференцбайланыс форматында өтті. Ол коронавирус індеті аясында білім беру қызметін ұйымдастыру мәселелерін талқылауға бағытталды. Бұл туралы Almaty.tv телеарна хабарлайды.
Ағымдағы жылы студенттер мен магистранттарға арналған халықаралық жазғы мектепті онлайн-режимде өткізу жоспарланып отыр. Бағдарламаға лекциялар, мастер-класстар, тренингтер және дөңгелек үстел отырыстары кіреді. Бұл іс-шаралар оқушылардың кәсіби және тұлғааралық құзыреттілігін қалыптастыруға мүмкіндік береді, деп санайды ұйымдастырушылар.
Жазғы мектептің көпұлтты оқытушылар командасы ұлттық және шетелдік ғылыми қайраткерлерден, сондай-ақ агроөнеркәсіптік кәсіпорындардың қызметкерлерінен тұрады.
Мұндай мектепті алғаш рет 2011 жылы өткізген болатын. Биылғы жылы ол Топырақтану, ветеринария, биотехнология және т. б. қоса алғанда, аграрлық экономиканы дамытудың ең өзекті 13 бағыты бойынша өтеді.
«Бұл жолы 24 мемлекеттен жүз ЖОО өтінім беріп, екі апталық жазғы мектеп енгізілді. Көптеген магистранттар, студенттер, PHD қатысады. Өз саласында тәжірибе, жаңа ақпарат алмасады. Бұл жолы да табысты мектеп болады деп үміттенеміз», — деді Қазақстан ҰҒА академигі Сәбит Байзақов.
Сурет: kaznau.kz
