Дүниежүзілік денсаулық сақтау ұйымы коронавирус инфекциясына қарсы тағы бір қазақстандық вакцинаны ресми түрде тіркеді. Оны Биологиялық қауіпсіздік проблемалары ғылыми-зерттеу институтының ғалымдары әзірледі, деп хабарлайды “Қазақпарат” ақпарат агенттігі.
Бұл туралы Биологиялық қауіпсіздік проблемалары ғылыми-зерттеу институтының бас директоры Кунсұлу Закарья егжей-тегжейлі айтты.
Оның айтуынша, институтта әзірленген препарат біздің мемлекетіміздің ең жоғары жетістігі болып табылады. Ол вакцина адамдар үшін мүлдем зиянсыз және қауіпсіз екенін айтты.
Кунсулу Закарья посткеңестік кеңістікте тек Қазақстан Республикасы мен Ресей Федерациясы ғана COVID-19-ға қарсы вакциналарын Дүниежүзілік денсаулық сақтау ұйымының сайтында тіркей алғанын атап өтті.
Ғылыми-зерттеу институтының бас директоры енді біздің ғалымдар Қазақстанда әзірленген екінші вакцинаны клиникаға дейінгі сынауға кіріседі. Егер бәрі сәтті болса, онда препараттың клиникалық зерттеулері басталатынын айтты.
Сондай-ақ, Кунсулу Закария біздің елімізде жасалған алғашқы коронавирусқа қарсы вакцина туралы айтты. Оның айтуынша, бұл препарат клиникаға дейінгі сынақтардан өтті, енді адамдарға клиникалық зерттеулердің басталуы туралы мәселе пысықталуда, ол, оның пікірінше, осы жылдың қыркүйегінде басталуы мүмкін.
