Қазақстандық тауарлар мен қызметтердің сапасы мен қауіпсіздігін бақылау комитетінің басшысы Тимур Сұлтанғазиев елде әзірге қалалар арасындағы бақылау-өткізу пункттері алынбайтынын мәлімдеді, деп хабарлайды zakon.kz жаңалықтар ресурсы
Денсаулық сақтау министрлігі өкілінің айтуынша, бұл өңірлердегі эпидемиологиялық жағдайға байланысты. Оның айтуынша, егер қалалар арасында бақылау-өткізу пункттерін алып тастаса, онда жұқтыру жағдайларының саны күрт өсуі мүмкін.
«Мысалға, егер Шымкент қаласы мен Атырау облысында өсім болса, өңірлер арасында карантиндік шараларды жеңілдету Шымкенттен Түркістан облысына, ал Атырау облысынан жақын маңға инфекция әкелінуі мүмкін», — деді Сұлтанғазиев.
Сонымен қатар, ол республика қалалары арасында жеке көлікпен жүруге тыйым салуды алып тастау да жоспарланбаған, себебі ол да ауру жағдайларының өсуіне алып келуі мүмкін.
11 мамырдан бастап Қазақстанда төтенше жағдай режимі әрекет етуін тоқтатты, алайда шектеу шаралары аяқталған жоқ, себебі елде індет әлі жойылған жоқ.
Бүгінгі таңда біздің республикамызда ресми түрде COVID-19 жұқтырудың 6440 жағдайы тіркелді, оның ішінде 3,3 мыңнан астам адам коронавирустан емделді.
Сурет: inform.kz
