2020 жылдың 28 қазанында «Жаңа репортер» алаңында әлеуметтік желілерде онлайн-көрсетілімімен Ақпарат және қоғамдық даму вице-министрі Кемелбек Ойшыбаев журналистерді аккредиттеу ережелерінің жаңа жобасын таныстырды, деп «ҚазАқпарат»ХАА хабарлайды.
Ереже жобасын талқылауға Internews заңгері Ольга Диденко, Информбюро бас редакторы Михаил Дорофеев қатысты. Талқылауды белгілі журналист және медиаэксперт Ержан Сүлейменов жүргізді.
Вице-министр Кемелбек Ойшыбаев аккредиттеу рәсімінен өту кезінде журналистер үшін қолайлы жағдай жасауға және оны оңайлатуға бағытталған жаңа Қағидалармен қарастырылған бірқатар жаңашылдықтарды атап өтті. Атап айтқанда, бұл новеллалар тұрақты және уақытша аккредиттеуді енгізуді, журналисті аккредиттеу үшін ұсынылатын құжаттар тізбесін және оларды қарау мерзімін қысқартуды, аккредиттелген журналистердің тізілімін енгізуді, аккредиттеуші ұйымның іс-шараларды алдын ала хабарлау жөніндегі міндеттерін, журналистің куәлігін сипаттауды, сондай-ақ аккредиттеуші ұйымның заңсыз іс-әрекеттеріне немесе әрекетсіздігіне шағым жасау мүмкіндігін көздейді.
Онлайн-трансляция барысында әлеуметтік желілерді пайдаланушылардан журналистерді аккредиттеудің жаңа жүйесінің одан әрі жұмыс істеуі бойынша бірқатар сұрақтар мен ұсыныстар келіп түсті, оларға толық жауаптар берілді. Қатысушылар осы Ережелерді әзірлегені үшін ризашылықтарын білдірді. Олардың пікірінше, ережелер журналистердің қызметіне оң әсер ететін тиісті тәртіп пен шарттарды енгізеді. Талқылау соңында Кемелбек Ойшыбаев жаңа жүйенің жұмыс істеуі 2021 жылдың қаңтарынан басталатынын атап өтті.
Сурет: inform.kz
