Көлік және коммуникация министрлігі біздің мемлекетіміздің аумағында арнайы көлік құралдары мен жоғары білікті персоналдың көмегімен елдегі жол деңгейін жақсартуға мүмкіндік беретін EuroRAP жүйесі енгізілетінін айтты.
Ведомствода атап өткендей,осы жүйенің арқасында мемлекет бойынша жол-көлік оқиғаларының деңгейі төмендейді. Осы жылдан бастап министрлік Қазақстанның жол инфрақұрылымына – елдегі бес мың километрден аспайтын жолға егжей-тегжейлі талдау жүргізуді жоспарлап отыр. Сондай-ақ, биыл 20 сарапшы оқытудан өтеді.
Біздің мемлекетке жолдарды бағалаудың еуропалық бағдарламасын енгізу бойынша кеңесші ретінде QAZAQ Research Institute for Road Traffic Safety-мен бірге Swedish National Road Consulting AB (SweRoad) швед компаниясы қатысады.
“Қазақстанда халықаралық жол қауіпсіздігін бағалау бағдарламасы – IRAP құралы “Орталық – Оңтүстік” және “Батыс Еуропа – Батыс Қытай”дәліздерін жобалау кезеңінде қолданылды. 2017 жылы ұзындығы 297 км “Балқаш – Бурылбайтал” учаскесін, “Алматы – РФ шекарасы (Екатеринбургке)” жолын қайта жаңарту жобасына IRAP бағалау жүргізілді”, – делінген хабарламада.
