Қазақстан Республикасының аумағынан тыс серверлерде орналастырылған 18 000-нан астам интернет-сайт Қазақстанда қолжетімсіз болуы мүмкін. Бұл туралы “Спутник Казахстан” жаңалықтар ресурсы хабарлайды.
Цифрлық даму, инновациялар және аэроғарыш өнеркәсібі министрлігі басшысының орынбасары Асхат Оразбектің айтуынша, қазіргі уақытта Қазнетте 175 000-нан астам бірінші деңгейдегі “kz” және “Қаз” домендік атаулар бар, олардың 99 632-сі жұмыс істейді.
Заңға сәйкес, ел аумағынан тыс серверлерде орналастырылған “kz” немесе “қаз” домендік атауы бар порталдар республикада қолжетімсіз болуы тиіс.
Өткен жылдың қазан айында Сандық даму министрлігінің өкілдері ақпараттандыру туралы Заңның талаптарын сақтау мақсатында Қазақстандық желілік ақпарат орталығына хабарлама жіберді.
“Тіркелушілерге 30 қарашаға дейін орындау мерзімі көрсетілген талаптарды бұзу туралы 45 мыңнан астам домен жеткізілді. Министрлікке иелерінен осы талаптың орындалу мерзімін ауыстыру туралы шағымдар мен өтініштер түсе бастады. Барлық аспектілерді назарға ала отырып, Министрлік талапты орындау мерзімін 2021 жылғы 1 ақпанға дейін ұзарту туралы шешім қабылдады”, – деп нақтылады Оразбек.
Осы кезеңде елімізде тіркелмеген 18 623 домендік атаулар қалды. Дегенмен, Оразбектің айтуынша, билік республикадағы бұл сайттарды бұғаттау міндетін қойыр отырған жоқ.
Сурет: ru.sputnik.kz
