Мәжіліс депутаты Василий Олейник қазақстандық 23500 лифтінің шамамен қырық пайызы ақаулы деп мәлімдеді. Бұл Алматы үшін әсіресе өзекті. Қалада 2000-ға жуық лифт ауыстыруды талап етеді, деп хабарлайды Tengrinews.kz. журналисі.
Бұл мәселе бойынша депутат Индустрия және инфрақұрылымдық даму министрі Роман Склярға сөз жолдадыі.
Депутаттық сауал бойынша, лифті бар көп қабатты тұрғын үйлердің саны 8500-ден асады, бұл 23500 лифт. Олардың 40% -ы ақаулы. Семейде отыз жылдан астам уақыт пайдаланылып келе жатқан 127 лифт ауыстыруды талап етеді. Оларды ауыстыруға 900 млн теңге қажет.
Оралда 375 лифтің 109-ы ауыстыруды қажет етеді, Сәтбаев қаласында лифтердің 80% -нан астамы бұзылған. Ең нашар жағдай Алматыда, онда 1900 лифт, Павлодар облысында – 1500, Қарағанды облысында – 736 лифт жөндеуді және ауыстыруды қажет етеді. Жалпы еліміз бойынша 6000-нан астам лифт пайдалану мерзімінен асып кеткен.
Мәжілісмен атап өткендей, уәкілетті органдар тарапынан лифт шахталары мен машина бөлімшелерінің жұмысын, оларды пайдалануға беру мен қауіпсіздікті бақылауды күшейту қажет.
Мәжіліс Төрағасы Нұрлан Нығматулин Олейникті қолдай отыра,бұл саланы “халықтың әлеуметтік көңіл-күйін қалыптастыратын” деп атады және шенеуніктер мен парламентарийлердің жұмысын халық қалай бағалайтынына алаңдайтынын білдірді.
Ол машина жасаушылар Одағын басқаратын депутат Мейрам Пішембаевқа жүгініп, елде лифт зауытын салу қажет деп мәлімдеді.
13 ақпанда оңтүстік астананың 59 жасар тұрғыны лифт шахтасына құлап, қаза тапты. Оқиға кезінде лифт жұмыс істемеді. 31 желтоқсанда елорданың элиталық жаңа құрылыстарының бірінде 8 жолаушысы бар лифт үшінші қабаттан құлап, әйелдің аяғы сынған, оның 6 жасар немересі айнаның сынықтарымен жараланған.
Сурет: nvdaily.ru
