Жеңіс күні қарсаңында “Хабар” ақпарат агенттігі патриоттық жобаны іске қосады, оның аясында кез келген адам Ұлы Отан соғысына қатысқан туысының ерлігі туралы айта алады.
Бұл жобаға қатысу үшін азаматтар өз отбасы тарихымен, фотосуреттерімен әлеуметтік желілерде #ВашиПодвигиНеЗабыты, #АрдагерЕрлігі,#ХабарПомнит хештегіне бөлісуі керек. Сондай – ақ, “Хабар” – @khabartv ақпараттық агенттігін белгілеу қажет.
Бұл патриоттық жобаны ұйымдастырушылар “Хабар” телеарналарында аса әсерлі оқиғалар жарияланып, көрсетілетінін айтады.
Сонымен қатар, үздік оқиғалар “Хабар” агенттігінің мамандары Ұлы Отан соғысы Жеңісінің 75 жылдық мерейтойына орай дайындап жатқан бейнероликтің негізіне алынады.
“Жылдар өтіп жатыр, сол қанды соғыстың куәгерлері аз қалды, бірақ ардагерлердің ерліктері біздің жүрегімізде мәңгі қалады. Біз батырларымызды мақтан тұтамыз және оларға бейбіт аспан үшін шын жүректен алғыс білдіреміз”, – дейді жобаны ұйымдастырушылар.
Жеңіс күні – посткеңестік елдердің, соның ішінде Қазақстан Республикасының барлық азаматтары үшін ерекше мереке.
Сурет: krymsk-region.ru
