Бес жыл ішінде Қазақстанда 977 мың отбасы үшін 103 млн шаршы метр тұрғын үй салынады. Бұл туралы ҚР Премьер-министрі Асқар Мамин мәлімдеді.
«ҚР Тұңғыш Президенті-Елбасы Нұрсұлтан Назарбаев пен ҚР Президенті Қасым-Жомарт Тоқаевтың тапсырмасын орындау және «Nur Otan» партиясының «өзгеріс жолы – әркімге лайықты өмір» сайлауалды бағдарламасын жүзеге асыру мақсатында Жол картасы әзірленді. Ол сайлауалды бағдарламаның 4 бағытын іске асыру бойынша 362 іс – шараны қамтиды: біріншісі-баршаға тең мүмкіндіктер. Екінші бағыт-зияткер, дені сау және үнемді ұлт. Үшінші-өңірлер экономикасының тұрақты дамуы. Төртінші бағыт-есеп беретін мемлекет және жауапты азаматтар», — деді Асқар Мамин Мәжіліс Спикері Нұрлан Нығматулиннің төрағалығымен өткен «Nur Otan» фракциясының кеңейтілген отырысында.
Атап айтқанда, ҚР Премьер-Министрі жоспарланған тұрғын үй құрылысы туралы айтты.
«Бағдарламаның бірінші блогы аясындағы міндеттерді шешу үшін – баршаға тең мүмкіндіктер-әрбір қазақстандықтың әлеуетін іске асыру үшін тең мүмкіндіктер жасауға бағытталған 99 іс-шараны іске асыру көзделеді. Қазақстандық отбасыларды қолдау және нығайту бойынша жүйелі шаралар іске асырылатын болады», — деп атап өтті Үкімет басшысы.
«Бес жыл ішінде 977 мың отбасы үшін 103 млн шаршы метр тұрғын үй салынады, оның ішінде 284 мың пәтер жеңілдікті әлеуметтік тұрғын үй түрінде берілетін болады. 2021 жылы құрылыс көлемін жыл сайын 2025 жылы 25 млн шаршы метрге дейін ұлғайта отырып, 17 млн шаршы метр салынады», — деп Асқар Мамин түйіндеді.
Сурет: inform.kz
