Ақпарат және коммуникациялар министрі Дәурен Абаев Қазақстан Республикасы Ғылым және білім министрлігінің басшысы Ерлан Сағадиевтің оқушыларға қатысты зорлық-зомбылығы бар бейнероликтер бір сағат ішінде әлеуметтік желілерде бұғатталатыны туралы мәлімдемесіне қатысты өз пікірін білдірді.
“Әңгіме әлеуметтік желідегі бейнероликтерді бұғаттау туралы ғана, әлі мессенджерлерде емес, кейіннен онда да бұғаттайтын боламыз”, – деді Дәурен Абаев.
“Ғылым және білім министрлігі мен әкімдіктерде, сондай-ақ орталық мемлекеттік органда кәмелетке толмағандарға қатысты зорлық-зомбылықтың жекелеген жағдайларын жасыруға мүдделі емес. Біз олардың, керісінше, тиісті құқықтық баға алуын қолдаймыз”, – деп толықтырды Ақпарат және коммуникация министрі.
Естеріңізге сала кетейік, бұған дейін Ерлан Сағадиев балаларға қаталдық көрсеткен бейнероликтер әлеуметтік желілерде өшірілетіндігін айтқан болатын.
Сурет: nur.kz
