Біздің республикамызда биылғы жылы еліміздің десанттық-шабуылдау әскерлерінің қатарын толықтырған жас әскери қызметшілердің қатысуымен оқу-әдістемелік жиындар басталды, деп хабарлайды «Қазақпарат» ақпарат ресурсы.
Атап айтқанда, биыл Қазақстанның десанттық-шабуылдау әскеріне 160-тан астам жас офицерлер мен сержанттар қызметке кірді. Олардың кейбіреулері шет мемлекеттердің әскери оқу орындарының түлектері болып табылады.
Жиын жас әскери қызметшілердің кәсіби дағдыларын арттырып, оларды десанттық-шабуылдау әскеріне қызметке дайындау мақсатында ұйымдастырылды.
Жиын өтетін жерге келгеннен кейін, жас десантшылармен Қазақстанның десанттық-шабуылдау әскерінің қолбасшысы генерал-майор Қаныш Әбубәкіров кездесті.
Әскери қызметкерлермен әңгімелесу кезінде генерал-майор оларға десанттық-шабуылдау әскерлерінің негізгі міндеттері туралы айтып, жеке әскери тәжірибесімен бөлісті.
Оқу-әдістемелік жиындар бағдарламасына дене шынықтыру, атыс даярлығы және жауынгерлік машиналарды жүргізу бойынша сынақтар кіреді. Сондай-ақ жас десантшылар үшін теориялық және практикалық сабақтар өткізіледі.
Қазақстан Қорғаныс министрлігі бұрынырғақ берген мәліметі бойынша, біздің әскерде жауынгерлік оқу барлық бекітілген жоспарлар мен кестелерге сәйкес жүргізіліп, карантиндік талаптар қатаң сақталады.
Сурет: inform.kz
