Еліміздің сыбайлас жемқорлыққа қарсы қызметінің өкілдері Батыс Қазақстан облысының энергетика және тұрғын үй-коммуналдық шаруашылық басқармасы басшысының орынбасарына қылмыстық іс басталғаны туралы айтты, деп хабарлайды «ҚазТАГ» жаңалықтар ресурсы.
Сыбайлас жемқорлыққа қарсы күрескерлердің айтуынша, шенеунік Арыстағы төтенше жағдайдың салдарын қалпына келтіру үшін ел қазынасынан бөлінген қаражатты жымқырды деген күдікке ілінді.
Тергеу нұсқасына сәйкес, Батыс Қазақстанның лауазымды тұлғасы мердігермен бірге снаряд жарылысынан зардап шеккен 46 үйді қалпына келтіруге бөлінген 50 миллион теңгеден астам қаражатты ұрлаған.
Сыбайлас жемқорлыққа қарсы ведомство өкілдерінің айтуынша, қазіргі уақытта шенеунікке қатысты сотқа дейінгі тергеудің барлық қажетті рәсімдері жүргізілуде.
Арысқа маңындағы әскери арсеналда оқ-дәрілер жарылысы өткен жылдың 24 маусымында болды. Оқиға салдарынан үш адам зардап шекті, олардың екеуі әскери қызметкер болды.
Қазіргі уақытта Арыс қаласында төтенше жағдай салдарын жою жұмыстары жүргізілуде.
Сурет: sputniknews.kz
